दुर्घटनामा एकको मृत्यु

सर्लाहीमा मंगलबार राति बसको ठक्करबाट घाइते भएकामध्ये एकजनाको उपचारको क्रममा वीरगन्जमा मृत्यु भएको छ। सर्लाही घुर्कौली वडा न.८ बस्ने २० वर्षीय सुनिल तामाङको मृत्यु भएको प्रहरी उपरिक्षक गणेश केसीले जानकारी दिनुभएको छ।मंगलबार राति साढे ८ बजे विराटनगरबाट काठमाडौं जाँदै गरेको ना२ख ७९९७ नम्बरको बसले सर्लाहीको बाँके क्षेत्रमा ठेकेदारद्वारा जिविसको कर उठाउन बनाइएको छाप्रोमा ठक्कर दिएको थियो।बसको ठक्करबाट कर संकलनका लागि खटिएका ठेकेदारका आठ जना कर्मचारी घाइते भएका थिए। घाइतेमध्ये एक जनाको मृत्यु भएको छ भने गम्भीर घाइते रहेका चार जनालाई काठमाडौं लगिएको छ। बस राजमार्गबाट तल झरे पनि बसका यात्रु भने सकुशल रहेको प्रहरीले जनाएको छ।